پاکستان کرکٹرز کے فٹنس ٹیسٹ

پاکستان کرکٹرز کے فٹنس ٹیسٹ میں اوپنر شان مسعود تیز ترین کرکٹر قرار پائے ہیں۔ پنجاب اسپورٹس کمپلکس لاہور میں ٹائم ٹرائل کے دوران انہوں نے ایک کلومیٹر کا فاصلہ تین منٹ تین سیکنڈ میں طے کرکے سب کو حیران کردیا۔ عام طور پر کرکٹرز ایک کلومیٹر کا فاصلہ ساڑھے تین سے چار منٹ میں طے کرتے ہیں لیکن شان مسعود کی فٹنس اور پھرتی غیر معمولی رہی۔ گذشتہ ماہ کراچی میں سری لنکا کے خلاف سنچری بنانے والے عابد علی فٹنس ٹیسٹ میں ناکام رہے۔ عماد وسیم اور یاسر شاہ بھی یویو ٹیسٹ اور ٹائم ٹرائل میں مطلوبہ معیار حاصل نہ کرپائے۔ سابق کپتان سرفراز احمد نے ایک کلومیٹر کا فاصلہ ساڑھے تین منٹ میں طے کیا۔ شان مسعود کے بعد دوسرے سپر فٹ کرکٹر سرفراز احمد تھے۔ ذرائع کا کہنا ہے کہ شان مسعود نے یویو ٹیسٹ میں سب سے زیادہ بیس پوائنٹ حاصل کئے۔ یویو ٹیسٹ میں شاہین شاہ آفریدی نے 19.3، سرفراز احمد اور محمد عباس نے 19,19 جبکہ بابر اعظم،امام الحق اور حارث سہیل نے 18,18 پوائنٹس حاصل کئے۔ ٹرینر یاسر ملک نے بابر اعظم، حارث سہیل، سرفراز احمد، امام الحق، محمد عباس، شاہین آفریدی، شان مسعود، عابد علی، عماد وسیم اور یاسر شاہ کی فٹنس کا جائزہ لیا جبکہ محمد عامر،